Mujhe Khamosh Rehne Do...

Mujhe khamosh rehne do,
Suna hai ishq sacha ho,
To khamoshi
lahu ban kar,
Ragon mein
naach uthti hai,
Abhi kuch din mujhe
meri mohabbat azmaney do,
Usey mein kyun bataon,
Usey mene kitna chaha hai,
Bataya to jhoot jata hai,
Ke
Sachi baat ki khushbuu,
To khud mehsoos hoti hai,
Meri baatein,
Meri sochein,
Usey khud jaan lene do,
Abhi kuch din mujhe
Meri mohabbat azmaney do..

Romantic 2 Line Urdu Poetry...

Kalaayi na pakrra karo, Na hi paas aaya karo,

Baat chooriyun ki nahi, Jazbaat machal jaatay hain...

Mere Hamsafar, Mere Saayeba’n.((.A Romantic Urdu Poem.))

Mere hamsafar, mere saayeba’n,

Meri zindagi, mera kul jahan,

Hain raah hayaat ke silsley,

Kabhi furqtain, kabhi faasley,

Rahen tere sath rawaa’n dawaa’n,

Mere karwaan, mere kaafley,

Tu hi ru’bru, tu hi hai nihaa’n,

Mere hamsafar, mere saayeba’n,

Teri mulaqaat ki khawhishen,

Teri aarzuu, teri chahtein,

Shab-o-roz teri justujuu,

Tujhe dhoondti phiroon ku’bkuu,

Tu mera yakeen, to kaheen gumaa’n,

Mere hamsafar, mere saayeba’n..

Romantic Two-Lined Urdu Poetry (Part 2)

Tujhay mohtaat karta hoon, Teri mein jaan ley loon ga...

Agar in jheel aankhoun ko kabhi phir numm liya tu nay...!

....................

Ada Qatil! Nigah Qatil! Zuba'n Qatil! Bayan Qatil!

Bata Qatil, Kahan Jaaun? Jahan Jaaoun Wahan Qatil!

....................

Darta hoon kehne se ke mohabbat hai tumse,

Meri zindagi badal de ga, tera iqrar bhi, inkaar bhi.

.........................

Be’khud huye hain woh itne, pyar kartey kartey,

Iqraar kar gaye hain, inkaar kartey kartey..

....................

Ik lafz mohabbat ka adna’aa sa fasaana hai,

Simttay to dil-e-aashiq, phailay to zamana hai..

Romantic Urdu Poetry...

Parhnay Baithoon To Har Safhay Peh Ubhar Aati Hai

Baat Karti Hui, Hansti Hui Tasveer Koi...!

Eid Poetry

Tere kehne pe lagayi hai yeh mehndi mene,

Eid per ab tu na aya to qayamat hogi..

Woh Chala Gaya Mujhay Chhorr Kr, Main Badal Na Paya Adatein..

Woh Chala Gaya Mujhay Chhor Kr, Mein Badal Na Paya Aadatein...

Usay Sochna, Usay Chahna..Mera Aaj Bhi Mamool Hai...

Hum Kitnay Akelay Hain Mohabbat ke Safar Meain!

Umeed ka saya hai, na raasta hai na manzil!

Hum kitanay akelay hain Mohabbat ke safar mein!

Two Lined Urdu Poetry...

Tum dil key aney janey sey kuch bad-guma’n sey ho..

Mera hua to kiya, tumhara hua to kiya.!!

Doosri Baar Bhi Hoti To Tum Hi Say Hoti...

DOOSRI BAAR BHI HOTI, TO TUM SE HI HOTI

MAIN BILFARZ MAUHABBAT JO DOBARA KARTA!!!

Urdu Poem by John Elia

Kaisa dil aur uske kya gham jee,
Yu’n hee baatain banaatey hain, hum jee,
Kya bhalaa aasteen aur daaman,
Kab se palkein bhi ab nahi nam jee,
Ussey ab koi baat kya kerna,
Khud se bhi baat kije kam-kam jee,
Dil jo dil kya tha, ek mehfil tha,
Ab hai darham jee aur barham jee,
Baat be-tour ho gayi shayad,
Zakhm bhi ab nahi hai, marham jee,
Haar duniya se maan le shayad,
Dil, hamaare mein ab nahi, dam jee,
Hai yeh hasrat ke zibah ho jaun,
Hai shikan is shikam ki zaalam jee,
Kaise aakhir na rang khele’n hum,
Dil lahoo ho raha hai, jaanam jee,
Hai kharaaba yeh husniya apna,
Roz majlis hai aur maatam jee,
Waqt dam bhar ka khel hai usme,
Besh az besh hai, kam az kam jee,
Hai azal se abad talak ka hisaab,
Aur bus ek pal hai peham jee,
Be-shikan ho gayi hai woh zulfein,
Is gali mein nahi rahe kham jee,
Dasht-e-dil ka ghazaal hee na raha,
Ab bhalaa kis se kijiye ram jee…

Chahay Jao Usay Nuqsaan Dil-O-Jan Hi Sahi

Chahay jao usey, nuqsaan dil-o-jaan hi 

sahi. . !

Ishq phir ishq hai aashifta-e-dil-o-jaan 

hi sahi. . 

Two Lined Poetry...

Jaisay jar'rein shajar ki garhi hon zameen main

Pai'vast meray seenay mein youn ho gaye ho tum...

Tau Laut Ana

Koi guzra hua lamha
Koi beeti hui sa’at
Tumhary dil k band dareechy mein chali aaye
Tumhain aisa lagay
Kay muddat baad
Tumhain dheemi si, meethi si
Kasak mehsoos hoti hai
Tumhain kuch yaad aata hai
Tou mery bhoolay huay saathi
Mery na-meherbaa’n
Palat aana, Palat aana
K meri sama’atain ab bhi
Tumhari ahat’on ki muntazir hain...

Kabhi Dekh Dhoop Main Khad'e Shajar Ko...

Aisay Jaltay Hain Wafoun Ko Nibhanay Walay...

Saans lenay ko samajhtey hein hayat aye shayar..

Log waqif to hon jeenay ki ada sey pehlay

Two-Lined Urdu Poetry

Tanhai ki raat,
Tumhari yaad,
Meri khirki ka chand
Aur karwatein badlta main!

Na raat kattay,
Na chand dhalay,
Na tum aao
Na neend aaye!

2 lined Urdu Poetry

Mauhabbatoun main yehi khauf kiyun musallat hain??

Mere siwa bhi kisi say usay mauhabbat hai!!!

Baam-E-Urooj Per Bhi Kabhi Aun Ga Zaroor

Humdum Mera Zawal Faqat Chaar Din Ka Hai!

Yeh Tum Se Keh Diya Kis Nay...

Yeh Tum Se Keh Diya Kis Ne,

K Baazi Haar Baithay Hum!

Abhi Tum Pay Lutanay Ko

Humari Jaan Baqi Hai..!!

Two Lined Romantic Urdu Poetry

Yun Aankhoun Se Ishq Bayaan Karna Uska!
Jesay Kahein Bohat Shor Hai Per Awaz Nahi!

2 Lined Urdu Poetry

Kyun Maqbaroun Pe Charhata Hai Zar Ki Chaaderein??

De Zindagi Ke Nangay Badan Ko Ghilaaf Tu!!

Urdu Poetry

Tujhay Jo Maloom Hotay Wafa Kay 

Rasm-o-Riwaj Saarey!

Mohabbatoun Mein Hamara Qissa 

Misaal Hota, Kamal Hota!

Two Lined Urdu Poetry

Maan Jao Tumhein Bhi Koi Acha Lagta Tha

Mein Ny Aksar Tumhein Udaas Dekha Hai! 

Gulshan parast hoon mujhy gul hi nahi aziz

Kaanto’n se bhi nibah kiye ja raha hoon mein

Laazim nahi k usko bhi mera khayal ho

Jo mera haal hai wohi uska bhi haal ho. 

Liye phira jo mujhy darbadar zamanay mein

Khayal tujh ko dil-e-beqaraar! Kis ka hai?

2 Lined Urdu Poetry

Hum se pehly bhi ye martaba-e-daar na tha

Ishq ruswa tha magr yun sar-e-bazaar na tha

two-Lined Urdu Poetry

Wo dil nawaz hai lekin nazar shanaas nahi’n
Mera ilaaj mery charagar kay paas nahi’n. ..

Ye rishta-e-khuloos hai, tootay ga kis tarha?

Rooho’n ko choo sakty hain bhala kab fana k hath..

Two Lined Urdu Poetry...

Ye charagh-e-anjuman to hain bus aik shab k mehmaan

Tu jala wo shama ae dil! jo bujhy na kabhi jal sakay

Ajeeb rishta raha kuch us shaks say

Na nafrat ki wajha mili, na mohabbat ka sila!

Two_line Romantic Urdu Poetry

♥ Us Ne Mujhe Apne Talukaat Ki Qaid Me Rakha Hai ♥

♥ Na Mera Hota Hai Na Mujhe Kisi Ka Hone Deta Hai ♥

Teri Ghaflaton ko khabar kahan?

Mere Haal-e-Dil pe nazar kary,

Tu Jafa ki had mein na aa saka,

Ham Wafa ki had se guzar gaye ♥

Waqt wo mujh par kathan guzrey hain saari umer

Ik teray anay se pehley ik teray janay k bad..

Hun saaya-e-gul mein na kisi saaya-e-dar main,

Yun ghar sey chala tha keh abhi tak safar main hun ♥

Mujhko tu hosh nahi tum ko khabar ho shayed,

Log kehtey hain ke tum ne mujhay barbad kiya.

Na Mila Karo Mujhay Sar-e-Shaam

Na mila kro sar-e-shaam mujhay, Me tanha tanha he theek hoon

Mujhe chahatoun se dar lagta hai, Mein nafratoun me he theek hoon

Mujhe raastoun mein chhor do, Mujhe justuju-e-manzil nahi

Na dekhao mujh ko raasta, Mein bhatakta hua he theek hoon

Mere dostoun mujhe choor do, Na suljhao meri uljhanein

Mujhe adavatein he pasnd hain, Mein dushmanoun mein he theek hoon

Mujhe khushi ki koi talab nahi, Mujhe apna ghum bhi nawaz do

Mujhe aansu peena pasnd hain, Main aansoun mein he theek hoon

Agar Dil Haar Bethay Ho Meray Humdum Mohabbat Mein..

Fana Kesi? Baqa Kesi? Saza Kesi? Jaza Kesi???

Mujh Ko Na Do Mohlat Lamha Bhar Ki Khud Say..

Tum Mer Waqt, Mera Lamha, MMera Har Daur Ho Jao!!

Maqaam-e-Mohabbat Tu Nay Samjhaya He Nahi Warna

Jahan tak Saath Tera, Wahan tak Zindagi Meri...

Go Haqiqat Se Bohat Door Hai Khwahish Meri...!

Phir bhi Khwahish Hai K Ek Khwab Haqiqat Ho Jaye...

Mein Tha, Dard-E-Ishq Tha Aur Tha Meray Armaanoun Ka Josh...

Woh Thay, Naaz-E-Hussan Tha, Aur Thein Unki Beparwaiyaan Bs!

Mujh Ko Dhoka De Gya Mera Zauq-e-Intekhaab!!

Jo Log Meray Na Thay Mujhe Wohi Achay Lagay..

Two-Lined Urdu Poetry

Kuch us ko bhi aziz thay apnay karrak usool

Aur kuch hum bhi itefaq se zid k mareez niklay

Dard Jeet Jata Hai...

Chahaton k mosam ki
Ik ajab kahani hai,

Hont hanste rehte hain,
"Ankhain bheeg jati hain"

Bheegti nigahon me,
Khawab jalty bujhty hain,

Dard k is safar me kuch,
Morr aisay aatay hain,

Khawab toot jate hain,
"saath choot jate hain"

Kirchiyan uthane me,
Waqt beet jata hai,
aur

''Dard jeet jata hai"..!

Wussat-e Ishq me tang-dili ka 

Aalam tou daikhiyay

Aik ko Chahnaa, 

Faqat Ussi ko Chahna , 

phir kucH na Chahna

Uljha Rahi Hai Mujh Ko Yehi Kash Ma Kash

 Tu Aa Basi Hai Mujh Main Ya Main Kho Gaya Hoon Tujh Main..

Badan say rooh jati hai to bichhta hai saf-e-matam

Magar kirdar mar jaye to kyun matam nahi hota?

Zaroori Nahi Hai...

Zaroori nahi hai
Jo sahil ki geeli khushk rait per
Hath mein hath de kr
Safar aur talatum ke qissay sunae
Jazeeroun, hawaoun aur un-dekhay mausam
Aur aankhoun se ojhal kinaroun pe bikhray
Hue manzaroun, zaiqoun aur rangoun ki baatein kare
Woh in wardatoun se guzra bhi ho...
Gar kahay,
Aao hum un paresha'an maujoun ka peecha karein
Jo tere aur mere pao'un ko choomti hain
Talatum ki ne-naam manzil se guzrein
Ye dekhein hwa'en kissay dhoondti hain
To chalne se pehle zra soch lena!
Zaroori nahi hai jo an-dekhay rstoun ki khabarein sunae
Woh in raastoun ka shanasa bhi ho
Kahein yeh na ho
Jo samandar mein usko dhondo to woh
Sahiloun pe khara muskurata milay...

Kehnay waloun ka kuch nahi jata

Sun'nay walay kamal krtay hain...!

Naraz Mat Howa Kro...

SIRF AIK HE TAMNA RAKHTAY HAIN HUM APNE DIL MEIN

BS MOHABBAT SE MILO CHAHAY USKI QEEMAT LE LO...

An-kahi ki alag aziyat ha...

Aur KAHI ka azaab mat pucho...