Sufi Kalam..Jee Chahay To Sheesha Bn Ja, Jee Chahay Paimana Bn Ja

Ji chahay to sheesha bn ja

Ji chahay paimana bn ja

Sheesha, paimana kia bn'na

May bn ja, may'khana bn ja

May bn kr, may'khana bn kr

Masti ka afsana bn ja

Masti ka afsana bn kr

Hasti se begana bn ja

Hasti se begana hona

Masti ka afsana bn'na

Is honay se, is bn'ny se

Acha hai dewana bn ja

Dewana bn janay se bhi

Dewana hona acha ha

Dewana honay se acha

Khak-e-dar-e-janana bn ja

Khak-e-dar-e-janana kia ha

Ehl-e-dil ki ankh ka surma

Sham'a k dil ki thandak bn ja

Noor-e-dil-e-parwana bn ja

Seekh zaheen, k dil se jalna

Kaahay ko hr sham'a peh jalna

Apni aag me khud jal jae...

Tu esa parwana bn ja

Apni yad me khud jal jaye...

Tu esa parwana bn ja...

Another Beautiful Poem by Jon Elia

Ganwaii kis tamana mein zindagi mein ne

Wo kaun hai jissay dekha nahi kabhi mein ne

Tera khayal to hai per tera wajood nahi

Tere liye to ye mehfil sajai thi mein ne

Hai meri zaat se mansoob sadd-fasaana-e-ishq

Aur ek satar bhi ab tk nahi likhi mein ne

Khud apnay ishvaa-o-andaaz ka shahid hoon mein

Khud apni zaat se barti ha be-rukhi mein ne

Gham-e-sha'oor koi dum to mujh ko mohlat day

Tamam umar jalaya ha apna jee mein ne

Elaaj ye hai keh majboor kr dia jaoun

Wagarna yun to kisi ki nahi suni mein ne

Raha mein shahid-e-tanha nasheen-e-masnad-e-ghum

Aur apne karb-e-anaa se gharaz rakhi mein ne