BAARISHOUN KE MAUSUM MEIN

Baarishoun ke mausum mein
Dil ki sarzameenoun per
Gard kyun bikharti hai???
Is tarha ke mosum mein
Phool kyun nahi khiltay?
Log kyun nahi miltay?
Kyun faqat ye tanhai sath sath rehti hai?
Kyun bicharay waloun ki
Yaad sath rehti hai?
Itni taiz barish se
Dil ke aainay per se
Aks kyun nahi dhultay?
Daagh kyun nahi mit'tey?
Neend kyun nahi aati?
Baarishoun ke mosum mein
Aankh kyun barasti hai?
Ashk kyun nahi thamtay?
Subh kyun nhi hoti?
Raat kyun nahi dhalti?
Baarishoun ke mausum mein...